波波同安東尼，琴晚去飲既時候，睇到你地條片，真係好得呀！除左一對新人之外，你地條片都可以算係琴晚既 Highlight 之一。冰窖熊由始至終相信，「影像」先至係真正屬於新人類既媒體。冰窖熊嚮大學團契推左好幾年實驗電影節，爭取機會比班青年人去實驗一下影象呢個媒體，我地一定要繼續呢個傳統，比班青年人學習使用呢個媒體，冰窖熊深信長江後浪推前浪，我地既責任係為後浪提供足夠既機會，加油啦！後浪！

==========================

琴日冰窖熊參加太后既婚禮，真係好高興。太后係小小熊以前既導師，佢好鍚小小熊。冰窖熊做人好講尊師重道，邊個老師對大小熊小小熊好，冰窖熊就當佢係自己人，一定撐佢！Jeffery，恭喜你，記得好好愛錫你老婆啦！

PS: Jeffery 唔好意思，攞左你兩盒空帶黎用，遲?D 賠返比你！

==========================

今日係永愛聖經宣道教會 (即係冰窖熊參與既果間教會) 加開廣東話崇拜既大好日子，我地仲特登請左阿梁燕城博士黎講道。真係感謝主，成個場坐滿晒！冰窖熊仲認識左幾個正在搵緊教會既新朋友，真係一個好既開始。

大家可能唔知，原來永愛聖經宣道教會係 San Marino 市唯一既華人教會。上帝擺我地嚮到，真係有佢既美意嫁！冰窖熊今日就遇到一個女人帶住兩個細路入黎，話見到圖書館噤多人，所以想入黎睇吓喎！冰窖熊當然係歡迎佢地都黎唔切啦！神既工作好奇妙，睇見 D 咁既圖畫，不禁叫冰窖熊回憶起十年前參與另一間教會植堂時，睇見禾場既需要，得三個人就開始國語崇拜，又係得兩三個人，就拍拍心口開始英文崇拜既情景。今日我地個廣東話崇拜一開始就已經有幾十人，真係感謝主！

==========================

冰窖熊好耐無出黎講野，今次久休復出表現麻麻。不過時間緊迫，大家忍耐忍耐啦！

註：好多人好留意冰窖熊條呔，係嚮英國買嫁！係咪好「突出」呢？哈！哈！

==========================

下個星期冰窖熊仲興奮，因為我地請左翁牧黎講道。翁牧算係我地既故人，張牧過世前一年，翁牧黎過大學生團契講佈道會，當時，冰窖熊仲搵左三位俊男載歌載舞！哈！哈！宜家佢做左香港中華傳道會中心堂既主任牧師，上帝居然安排左佢黎我地教會講道，真係好開心！

==========================

最高興係今日有機會見番幾個舊朋友！多謝大家黎撐場！

==========================

今日既成語係「詐傻扮懵」。老朋友，唔扮猪又點食老虎呢！睇野唔好剩係睇表面，家陣個個都話自己係 Victim ，最緊要係認清楚，邊個先至係真正既受害者，咁就好易睇通個局嫁啦！珍重啦！兩位！

==========================

今朝早，幾個小朋友不約而同咁話比冰窖熊知，佢地真係好鍾意我地既兒童事工，鍾意到唔捨得走。冰窖熊聽到好感動。教學上我地係新丁，憑往一顆赤子之心服侍佢地，我地既理想同願景雖然好高尚，實行起上黎就仲有好多改善既空間。不過，最叫冰窖熊感到安慰既係，一班老師真係攞個心出黎做，將佢地當作係自己既仔女看待，細教會有細教會既好處，事工可以做到好個人化，冰窖熊好享受同佢地既時間。

冰窖熊參與植堂之前休息左幾個月，去左附近幾間美國既主流教會觀摩，發現一樣好有趣既野，原來好多兒童事工都係由弟兄黎領導嫁，真係出乎冰窖熊意料之外。