熊眼看世界

今日冰窖熊去咗一間韓國人教會既英文崇拜講道。冰窖熊除咗讀神學時，講道實習時用過英文講道，今次都可以話係畢業之後既第一次。冰窖熊睇見佢地唔單止聽得明，反應仲似乎幾好，真係感謝神！

大家可能會問，點解冰窖熊會去韓國人既教會講道呢？其實真係整定嫁，果間教會既牧師就係熊媽媽既病人，佢一聽到冰窖熊係 Fuller 既畢業生，問都唔問就請咗冰窖熊去佢地既英文堂講道，大概係因為 Fuller 出品信得過啩！

好 多年前，張牧師曾經同冰窖熊講過，嚮美國既教會事奉一定要識得用英文講道。所以讀神學既時候，冰窖熊就已經下定決心，非要學好用英文黎講道不可。 Fuller 既講道 Coach 一般對外國學生會有不同既要求，皆因佢地畢左業之後，多數唔使用英文黎講道，所以評分標準會側重釋經及講章既組織等既層面上，表達 (Presentation) 方面既分數會相對減少。

上講道實習課時，冰窖熊個 Coach 係一個差唔多退休既長老會牧師，落咗堂冰窖熊特登走去搵佢，叫佢唔好因為冰窖熊係中國人就降低評分標準，一定要用番美國學生既標準黎 Grade 冰窖熊，冰窖熊要攞一個名副其實既 A，而唔係帶有同情分既 A。結果，第一個星期既實習冰窖熊就即刻炒咗，比個 Coach 公開批評到體無完膚，又話 d 例子好老土、又話同 d 聽眾無關聯，好慘！

為咗爭一口氣，嚮跟住既十個禮拜，冰窖熊博命煲帶，刨咗好多好 似 Chuck Swindoll, Billy Graham, Charles Stanley,?Rich Warren?等等大粒講員既講道錄影，吸收一吓佢地講道時一 d 美國人演講既文化特徵。努力果然無白費，最後一次實習之後，個 Coach 私底下同冰窖熊講，話冰窖熊有好大既進步，佢話冰窖熊係中國人，所以無可能完全美國化，口音、文法錯誤等等問題可以話係無可避免，不過即使係咁，用美國學 生既標準黎比分，佢覺得除咗英語表達佢會比個 A- 之外，其他方面冰窖熊已經達到 A 既水平。佢仲鼓勵冰窖熊，叫冰窖熊嚮英文演講方面繼續努力加油。

Fuller 嚮韓國既教會圈子中都幾嚮朵，今次單單因為 Fuller 畢業生既身份，就有機會比人請去講道，實在係冰窖熊既榮幸，好彩交到差無丟到 Fuller 既架，算係對江東父老有個交代。

================================

下一個要克服既就係用國語講道，宜家由大陸黎既人越黎越多，一定要好好學講國語，先至可以更有效咁去接觸同牧養佢地，求主幫助！

本來一早定左，今個星期日冰窖熊要帶組查經，不過冰窖熊無記性，上個星期口快快，應承左一家教會去講道，結果等到琴日先至無意之間發現撞時間。於是，小組被迫臨時改期，真係對唔住各位組員，好唔好意思！鎖你 (Sorry)！鎖你 (Sorry)！

點知因禍得福，攪唔成查經都要做番 D 野嘛！冰窖熊靈機一觸，不如成班老豆齊齊放假，去睇 BATMAN 同 JOKER 啦！反正 D 老婆唔會有興趣，D 仔又未夠十三歲唔睇得！不如成班老豆一齊放晚假，行開輕鬆吓啦！

蝙蝠俠同超人都係冰窖熊既童年至愛，冰窖熊份人忠奸分明，特別鍾意超人同蝙蝠俠兩個人物，而兩個之中，冰窖熊最鐘意就係蝙蝠俠。超人係「正義」既朋友，佢既「正義」非常超現實。超人係外星人，無人性既墮落，再加上能力超強，秉行公義都可以唔使付出代價，對於嚮地球土生土長既冰窖熊，「超人」似乎遙遠左小小。

蝙蝠俠就好唔同，佢無超能力，係凡人一個，捉賊破案其實用腦多過用力，佢最大既 Power 就係錢，佢一身古靈精怪既架生，就最吸引冰窖熊。蝙蝠俠為民請命既俠義精神，好似人性醜陋既黑暗世界裡面既一點暗淡燈光。蝙蝠俠巧妙咁將民間草莽英雄既俠義精神，西方中古時代既騎士精神，同基督教修道院既隱士精神，三合一而成為一個現代既都會英雄，比我地一班嚮「英雄已死」既二十世紀長大既細路，略略感受一吓俠義精神，同背後要付出既代價，為左伸張正義而不惜犧牲自己，就有如古語有曰：「明知不可為而為之」，好多謝蝙蝠俠為我地作出現代既演繹。

雖然話今日係法治既時代，蝦蝦霸霸既惡人依然好多好多，受害人比人蝦到死蝦到病都無人夠膽出聲，出聲果個反宜會比人鬧，話佢多事。其實，今日既社會依然好需要有富俠義精神既人去秉行正義，將果ｄ本來隱藏既惡行暴露出黎！而蝙蝠俠既死對頭 Joker 可以話係一個非常極端既人板，原著漫畫裡面既 Joker真係好抵死，佢一方面作惡多端，另一方面佢又好識扮 Victim ，話自己係受害者，So Ironic! 今次 Joker 出場，冰窖熊點可以唔捧場呢？

今次希望可以睇到 IMAX 版啦！身為正宗香港(島)人，梗係要嚮 IMAX 既超大銀幕到搵吓，睇吓見唔見到以前冰窖熊住果間既大廈啦！黑騎士蝙蝠俠，冰窖熊黎啦！

＝＝＝＝＝＝＝＝＝＝＝＝＝＝＝＝＝＝＝＝＝＝＝

可能有人會問：「成班人去睇蝙蝠俠有無屬靈意義呀？」

為免比人嘈，冰窖熊提出以下幾個討論既屬靈問題，供大家睇完戲之後，食飯既時候一齊討論。

問題一：我地都係人，都有自己既醜陋，又憑甚麼批評人論斷人呢？「秉行公義」是不是「論斷」呢？

問題二：耶穌當年也沒有用石頭來打死那個捉奸在床既淫婦，我地今天面對人的惡行時，究竟應該如何處理呢？是對抗？還是包容？

問題三：耶穌曾說：要「以善勝惡」而非「以惡報惡」，可是，在「秉行公義」既過程中，難免會動粗甚至傷及人命，那豈不是「以暴易暴」嗎？這樣的反應是否也是犯罪呢？究竟我們應該怎樣面對呢？這是否代表我們要放棄「秉行公義」呢？

唔好睇少以上三條問題，佢地考起左好多人嫁啦！即使信得耐既人都未必識答，即使答對亦未必有勇氣實行出黎，唔簡單嫁！

時間過得很快，大小熊九月就要入讀一年級了，公校私校的決擇，把熊媽媽攪得頭大。美國大學教育雖然世界第一，中小學教育卻爛得可以。美國小學的成績，整體來說一直名列世界前列，到第七年班 (即香港的中學) 開始卻節節敗退，水平與非洲的開發中國家並列。

美國公校的最大問題就是缺乏品德教育，美國公校的教師工會因為受到放縱派 (Liberals) 的操縱，早以用政治手段強迫取締了校內的品德教育，在公立學校之內，老師嚴禁討論倫理品德，老師只可以批評學業，卻絕對不能批評學生的行為，唯一可以討論的行為，就是性。

五 年級時 (對！是小學五年級) 老師就會要求家長容許子女，在性教育課上觀看一套以性交為主題的錄影製作，內容包括男女性交的全部過程，當中並有詳細解釋，並指導學生如何使用袋袋，正所 謂學以致用，好學的學生們課後當然都會把握機會，絕對不會浪費公帑（學校派發的實驗袋袋），以行動來深入具體探索課堂學習得來的知識，學校裡有那麼多的白 老鼠，難怪學生不論男女，升上中學後便一落千丈，誰還會有心機唸書呢？

家長「有權」拒絕讓子女觀看這套精彩的錄影製作，可是卻要容許子女 就性交這個題目，自行做一個非常極之詳細的 Project ，此舉乃是要幫助學生深入認真地學習，務求學生完全掌握整個性交的全部細節。有這樣重視學生生理需要的老師們，自然會產生一代又一代懂性卻不懂愛的禽獸。

當然，送學生到私立學校的價錢很貴，一個學生一個月就要五、六百元，對熊家來說是沉重的負擔。可是一想到可愛的大小熊，還有五年就要被可惡的公校毒害時，冰窖熊就會很傷心啊！這個真的是熊媽媽和冰窖熊的大問題。來來來，讓大家來分享一下意見吧！

你認為冰窖熊要送大小熊接受免費的禽獸教育？還是昂貴的私立教會學校呢？

多謝大家今日既事奉，又要預備食物，又要買野，又要燒野，食完仲要洗野！無左你同你同你同你同妳同妳同妳同妳同妳同妳，今晚就一定攪唔成。不過最開心既 係，大家請左咁多新朋友同舊朋友，當中好多都係未信既朋友喎，唔係「塘水滾塘魚」。冰窖熊今日真係好疲倦，但係亦好開心。做基督徒最興奮莫過於做外展福音 既工作，宜家好自由、好專心、毫無束縛咁去服侍同外展，真係好正！

請大家唔好問我地今晚燒左幾多錢煙花啦！最緊要係大家「盡興而歸」玩得開心，既可以感受國慶既氣氛，同時又增進彼此既友誼，咁就已經值回票價。至於價錢，冰窖熊只係會話，第二處係燒唔到咁既感受嫁啦！多謝你地既組長同導師既好介紹啦！

今年終於可以放開 D 事工黎做，爽呀！能夠營造到一個環境比大家開展事工，辛苦付出一 D 都係值得既，我地粵語事工都要好似國語事工一樣努力尋羊，帶人信主，各位同工要加油！