琴日冰窖熊比人叫左去食飯做陪客,意外咁見到幾位牧師,都係識左冰窖熊十幾年,算係睇住冰窖熊大既牧師。佢地猛叫冰窖熊出番黎事奉,努力面前,攪到冰窖熊有 D 唔識反應。畢竟比人屈左禁耐,睇左好多人性幽暗既野之後,正所謂曾經滄海,一講到事奉,冰窖熊真係有 D 怯。
過去半年經歷左咁多野,冰窖熊對人真係有 D 化。宜家越黎越明白,點解咁多人批評教會人事複雜,虛有其表。冰窖熊認識好多曾經受過傷害既基督徒,轉左去第二間教會之後,只係做 Sunday Christian 剩係星期日番崇拜,心態非常抽離,完全唔想投入,就係怕再受傷害,正所謂「一朝被蛇咬,十年怕草繩」,真係好驚嫁!
好 彩冰窖熊身邊仲有好多位牧師同長輩,佢地唔單止明白、關心同體會冰窖熊既困窘,更不斷鼓勵支持冰窖熊一家,為我地祈禱。如果唔係佢地,冰窖熊都唔知會變成 點。佢地比冰窖熊睇到一個希望:做人,特別係做基督徒,一定要有骨氣、義氣同勇氣,特別嚮深受自私自利文化薰陶既當代教會,我地比任何一個時代,更需要當 路見不平既時候,願意拔刀相助既基督徒。因為,我地對人既慷慨,係可以叫人感受到:教會裡面係依然可以患難見真情既!
就係因為果班關心冰窖熊一家既牧師同長輩,重新燃點冰窖熊對教會既希望。所以,冰窖熊決定留低,去建立一間真係「有情有義」既教會。因為,我地既主人耶穌,佢本身就係有情有義既典範。